José Luis Cánovas tiña cinco anos o primeiro día que o seu pai o chamou e non se deu a volta. Non era rebeldía, José Luis estaba a quedar xordo. A pesar da súa curta idade, puido aprender a falar, o que lle axudou moito no seu posto de traballo.

José Luis é o encargado de pór en contacto os traballadores con xordeira total co resto dos seus compañeiros na plataforma de xestión documental onde traballa, pertencente á División de Customer Services de ILUNION. José Luis, emprega a Lingua de Signos para comunicarse con outras persoas xordas e tamén pode establecer unha comunicación fluída con oíntes. Emprega un teléfono adaptado onde atende chamadas no seu centro de traballo. Agora a preocupación de José Luis e a súa muller é a súa filla Alba de 6 meses. Os problemas de audición de ambos os dous impídenlles escoitar se o seu bebé chora.

Non conseguiron ningún aparato que lles poida avisar de que a súa pequena está chorando, así que non lles queda máis remedio que perder horas de sono e tirar de enxeño e da axuda dun receptor de son caseiro cun sistema de aviso por luz, que lles adaptou o seu cuñado.